Koreýa Respublikasynyň paýtagty Seul şäherinde Aziýa-Ýuwaş umman teleradiogepleşikler birleşigi (ABU) tarapyndan guralýan aýdym-saz telebäsleşiginiň 12-njisi guraldy. “KBS Hall” merkezinde guralan festiwalda 11 ýurduň wekilleri çykyş etdiler. Bu festiwalda Türkmenistan döwletimize Türkmenistanyň at gazanan artisti Begmyrat Annamyradow wekilçilik edip, ýurdumyzyň adyndan çykyş etdi.
Türkmenistanyň meşhur aýdymçysy Begmyrat Annamyradow “Arkadagly ak şäher” atly aýdymy bilen tomaşaçylaryň uly söýgüsini gazandy. Şu ýerde ýene-de bir zady bellemek gerek, ol hem türkmen aýdymçysy öz doglan gününde çykyş etdi we bu hem bu konsert agşamyna aýratyn öwüşgin berdi.
Bu festiwaly tomaşa etmek üçin ýurdumyzyň diplomatik wekilhanasynyň wekilleri, şeýle hem Günorta Koreýada bilim alýan türkmen talyplary hem ýygnandylar. Dabaranyň ahyrynda türkmen aýdymçysyna baýrak hem gowşuryldy.
Aziýa — Ýuwaş umman teleradiogepleşikler birleşigi (ABU) tarapyndan guralýan aýdym-saz telebäsleşigi 2012-nji ýyldan bäri geçirilip gelinýär. Belläp geçsek, 2018-nji ýylda geçirilen 7-nji festiwal ilkinji gezek Aşgabat geçirilipdi.
Bu barada Halkara habarlar merkezi habar berdi.