Şu gün Türkmenistanyň Prezidenti Serdar Berdimuhamedow Ministrler Kabinetiniň giňişleýin mejlisini geçirdi. Onda ýurdumyzda 2025-nji ýylda alnyp barylýan işler barada hasabatlar berildi we ýolbaşçylary wezipä bellemek hem-de wezipeden boşatmak baradaky meselelere seredildi.
“Watan” habarlar gepleşiginde bellenilip geçilişi ýaly, hormatly Prezidentimiz Ministrler Kabinetiniň Başlygynyň orunbasary Baýramgül Orazdurdyýeway eýeleýän wezipesinden boşatdy.
Türkmenistanyň Ministrler Kabinetiniň Başlygynyň ylym-bilim, saglygy goraýyş, sport, ýaşlar we jemgyýetçilik toplumy boýunça orunbasary wezipesine Batyr Mämmedow bellendi.
Batyr Mämmedow Türkmen döwlet binagärlik-gurluşyk institutynyň rektory wezipesindne boşadyldy.