BIZNES

Bangkokda türkmen-tailand hyzmatdaşlygynyň mümkinçilikleri maslahatlaşyldy

Tailandyň Söwda palatasynyň baş edarasynda Türkmenistanyň Tailand Patyşalygyndaky Ilçisi (rezidensiýasy Kuala-Lumpur şäherinde) M.Maşalow bilen Söwda palatasynyň wise-prezidenti Suparek Çomçanyň arasynda duşuşyk geçirildi.

Duşuşygyň dowamynda türkmen tarapy Türkmenistanyň Söwda-senagat edarasynyň işi barada gysgaça maglumat berdi. Onuň esasy ugurlarynyň hatarynda telekeçiligi ösdürmek üçin amatly şertleri döretmek, döwlet edaralary bilen hyzmatdaşlygy giňeltmek, şeýle hem milli harytlary we hyzmatlary daşary bazarlara çykarmak ýaly meseleler görkezildi.

Şeýle hem, edaranyň milli öndürijilerini we eksportçylaryny halkara bazarlara çykarmakda işjeň goldaw berýändigi, Türkmenistanda hem-de daşary ýurtlarda halkara maslahatlary we sergileri guramakda işjeň çykyş edýändigi nygtaldy.

Tailand tarapy Ilçini wezipä bellenilmegi mynasybetli gutlap, söwda-ykdysady hyzmatdaşlygy ösdürmäge taýýardygyny beýan etdi.

Related posts

Hytaýyň eksporty 300 milliard dollardan geçdi

Türkmenistanda dürli görnüşli peýdaly gaty magdanlaryň 200-den gowragy bar

Ata Watan Eserleri

Telekeçiler «Türkmen alabaý itleri» merkezlerini gurar

Dr.Döwran Orazgylyjov