Aşgabatda Söwda-senagat edarasynyň sergi merkezinde “Agro Pack Turkmenistan-2026” atly halkara sergisiniň açylyş dabarasy boldy. Maý aýynyň 15-ine çenli dowam etjek bu sergide Türkmenistanyň kompaniýalary bilen bir hatarda, dürli ýurtlaryň, şol sanda Azerbaýjanyň, Türkiýäniň, Özbegistanyň, Hytaýyň, ABŞ-nyň we Belarusuň oba hojalygy, azyk senagaty, gaplaýyş hem-de agro-senagat ulgamlarynda iş alyp barýan kärhanalary öz önümlerini tanyşdyrdylar.
Forumyň esasy maksady Türkmenistanda öndürilýän önümleri görkezmek bilen birlikde, oba hojalygy, azyk senagaty, gaplaýyş we agro-senagat pudaklarynda ýöriteleşen ýerli hem-de daşary ýurtly kompaniýalaryň arasynda işewürlik gatnaşyklaryny ýola goýmakdan, şeýle-de geljekki hyzmatdaşlyk mümkinçiliklerini ösdürmekden ybarat boldy.
Sergide Azerbaýjanyň “Gozel Seed” we “Rusaroma” kompaniýalary “Made in Azerbaijan” brendi astynda öndürýän önümleri bilen öz diwarlyklarynda çykyş etdiler.
Türkmenistanyň Ministrler Kabinetiniň Başlygynyň orunbasary Nökerguly Atagulyýewiň ýolbaşçylygyndaky wekiliýet Azerbaýjan Respublikasynyň Türkmenistandaky ilçisi Gismet Gözelow we beýleki wekiller “Gozel Seed” we “Rusaroma” kompaniýalarynyň diwarlyklaryna baryp gördüler.
Bu barada Azerbaýjanyň Türkmenistandaky ilçihanasy habar berýär.