Şu gün Awazada geçirilen BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde «Türkmenistan — Özbegistan — Azerbaýjan» formatyndaky üçtaraplaýyn duşuşyk geçirildi.
Özbek Lideriniň Metbugat gullugynyň habar bermegine görä, duşuşyga Türkmenistanyň Halk Maslahatynyň Başlygy Gurbanguly Berdimuhamedow, Özbegistanyň Prezidenti Şawkat Mirziýoýew, Azerbaýjanyň Premýer-ministri Ali Asadow gatnaşdylar.
Duşuşygyň dowamynda özara bähbitli sebitleýin hyzmatdaşlygy giňeltmek we bilelikdäki taslamalary öňe sürmek meseleleri ara alnyp maslahatlaşyldy.
Hyzmatdaşlyk üçin mümkinçilikler, ilkinji nobatda, energiýa, ulag-logistika, senagat we oba hojalygy ugurlarynda baý mümkinçilikleriň bardygy bellendi.
Gepleşikleriň ahyrynda amaly hyzmatdaşlygyň geljegi uly taslamalaryny ösdürmek üçin şeýle formatdaky duşuşyklary dowam etdirmek barada ylalaşyk gazanyldy.