Geçen hepdäniň dowamynda AFK Çempionlar Ligasy 2 ýaryşynda toparçadaky iň soňky duşuşygynda ýeňiş gazanyp, 2-nji orun bilen 1/8 finala çykan “Arkadag” toparynyň az salym öň çekilen bijede garşydaşy belli boldy.
Ýurdumyzyň çempiony “Arkadag” toparynyň bijesine Saud Arabystanynyň “Al-Nasr” topary düşdi. 1-nji duşuşyk ýurdumyzda oýnalar. Saud toparynyň düzüminde dünýä belli portugal hüjümçi Kristiano Ronaldo çykyş edýär.
Jemi 16 klub ýaryşy dowam edip, olaryň 8-si Günbatar, galan 8-si bolsa Gündogar sebite wekilçilik edýär. 1/8 finalyň duşuşyklary Günbatar sebiti üçin 1-nji oýunlar 10-11-nji fewralda, jogap duşuşyklary-da 17-18-nji fewralda geçiriler. Gündogar sebitiniň oýunlary-da 11-12-nji hem-de 18-19-njy fewralda oýnalar.