Wagtlar käte şeýlebir çalt, käte bolsa, pyşbaganyň tizligindenem haýal geçýär. Häzir arkaňa dönüp bakanyňda, ençeme sökülmiş menziller, ajy doly, süýji doly günler ýatyr. Bu ýatan ýyllaryň, geçirlen tejribeleriň netijesinde käbir zatlara göz ýetirdim. Adamyň öňünde elmydama bir iş etmesinden saklan, gorky diýip bir zat durýar. Adam ömrüniň köp bölegini, gorkyny ýeňip geçmek üçin sarp edýär. Bir işler etmek isleýär, başaryp bilmerin diýen gorky bilen etmeýär. Bir zatlar aýtmak isleýär, ýalňyş düşünerler diýen gorky bilen aýtmaýar, göreşmek isleýär, ýykylaryn diýen gorky bilen göreşmeýär. Ýaşamak isleýär, emma ýaşatmazlar diýen gorky bilen öli ýaşaýar. Iň gorkunjy bu: Ýaşaýandyrn öýdüp ýaşamazlyk.
Eflatunyň bir sözi bar:
Ölmejek ýaly ýaşarlar,
Ýaşamadyk ýaly ölerler.
Bu zatlaryň düýp sebäbi, çagany kiçilikden ýetişdirilende, ýalňyş tertipde ýetişdirmekdir. Maşgalalaryň köpüsinde, çaga ýalňyş bir iş eden ýagdaýynda, çaga ol işiň ýalňyşdygyny düşündirmek, öwretmek ýerine gönüden-göni jeza ulanýarlar. Bu dürli maşgalalarda ýetişen çagalar ýygra, we jemgyýetden daşda ýaşaýarlar. Biz iň gowy iş adamlaryny, mugallym, inŽiner, doktor yetişdirmek üçin, ilki bilen ene-atalara dogry bolan çaga terbiýeleme tertiplerini öwretmeli. Ýetişýän nesilleriň diňe bir sagdyn bedenli bolmalary ýeterli däl, sagdyn düşünjeli bolmalary hem hökman.
Başkada bir bellemeli zat:
Başkalardan üytgeşik bolmak üçin gynamaň özüňizi, sebäbi hemme buny etýär, we hemmesi onuň üçin bir birlerine menzeş,
SEN DİÑE ÖZÜÑ BOL…
Kakajan Alyýew