Çempionlar ligasynyň 2028/29 möwsüminiň final duşuşygy Barselonada “Kamp Nou” stadionynda geçiriler. Bu baradaky karar Ýewropa futbol assosiýasiýalary birleşiginiň (UEFA) Saloniki şäherinde geçirilen Ýerine ýetiriji komitetiniň mejlisinde kabul edildi.
Duşuşyk 2029-njy ýylyň 2-nji iýunyna meýilleşdirildi.
Arena Ýewropanyň baş klub ýaryşynyň finalyny üçünji gezek kabul eder: Çempionlar ligasynyň kubogy ilkinji gezek 1989-njy ýylda “Kamp Nouda” oýnalypdy, şonda Italiýanyň “Milany” Rumyniýanyň “Stýaua” toparyny ýeňipdi (4:0). 1999-njy ýylda Angliýanyň “Mançester Ýunaýted” topary “Bawariýadan” üstün çykypdy (2:1).
Çempionlar ligasynyň 2027/28 möwsüminiň final duşuşygy Mýunhende geçiriler. Oýun 2028-nji ýylyň 27-nji maýyna meýilleşdirildi. “Arena Mýunhen” Çempionlar ligasynyň finalyny taryhynda üçünji gezek kabul eder.
Ýewropa ligasynyň finaly 2028-nji ýylda Buharestde, 2029-njy ýylda bolsa Belgradda geçiriler. Konferensiýalar ligasynyň 2028-nji ýyldaky final duşuşygy Turinde, 2029-njy ýylda – Budapeştde geçiriler.