Özbegistanyň milli ýygyndysynyň hüjümçisi Eldor Şomurodowyň geçiren goly futbol boýunça dünýä çempionatynyň toparçalaýyn tapgyryndaky iň owadan gol diýlip ykrar edildi. Bu barada Halkara Futbol Federasiýasynyň (FIFA) metbugat gullugy habar berdi.
Ses berlişiginiň netijelerine görä, Şomurodowyň toparçalaýyn tapgyrynyň soňky duşuşygynda DR Kongonyň ýygyndysynyň derwezesine geçiren goly sesleriň 36 göterimini aldy.
Ikinji orny toparçalaýyn tapgyrynyň üçünji duşuşygynda Marokkonyň ýygyndysyna garşy oýunda pökgi geçiren Gaitiniň milli ýygyndysynyň hüjümçisi Wilson Izidoryň goly eýeledi. Ol sesleriň 26,5 göterimini gazandy.
Özbegistanyň milli ýygyndysynyň hüjümçisi Eldor Şomurodow häzirki wagtda Türkiýe Respublikasynyň futbol çempionatynda çykyş edýän “Başakşehir” toparynda oýnaýar.