ABŞ-da, Kanadada we Meksikada 11-nji iýun – 19-njy iýul aralygynda geçiriljek futbol boýunça dünýä çempionatynda oýnajak 40 ýaşdan uly futbolçylaryň arasynda ýaryşda 6-njy gezek çykyş etjek 41 ýaşly portugaliýaly ýyldyz futbolçy Kristiano Ronaldo hem bar.
Ýaryşyň iň garry futbolçysy bolsa 43 ýaşyndaky şotlandiýaly derwezeçi Kreig Gordon bolar.
Dünýä çempionatyna gatnaşýan 40 ýaşdan uly 7 futbolçy aşakdakylardan ybarat:
-
Kreig Gordon (Şotlandiýa): 43 ýaşly tejribeli derwezeçi 2026-njy ýylyň dünýä çempionatynyň iň garry oýunçysy bolar.
-
Kristiano Ronaldo (Portugaliýa): 41 ýaşly ýyldyz futbolçy 6-njy gezek dünýä çempionatyna gatnaşyp, bu ugurda taryhy rekord goýmaga taýýarlanýar.
-
Luka Modriç (Horwatiýa): 40 ýaşly ýarym goragçy, öz ýurdunyň ýaşy uly futbolçylarynyň biri hökmünde ýaryşa gatnaşar.
-
Manuel Noýer (Germaniýa): 40 ýaşly derwezeçi Germaniýanyň ýygyndysynyň düzüminde öz ornuny aldy.
-
Edin Jeko (Bosniýa we Gersegowina): 40 ýaşly hüjümçi milli ýygyndysynyň gol urmak babatda esasy futbolçylarynyň biri bolmagyny dowam etdirýär.
-
Gilerma Oçoa (Meksika): Çempionatynyň tanymal derwezeçisi 40 ýaşynda bolup, 6-njy gezek öz ýygyndysynyň düzüminde oýnar.
-
Wozinýa (Kabo-Werde): 40 ýaşly derwezeçi öz ýurdunyň taryhyndaky ilkinji dünýä çempionatynyň düzümde orun alýar.