Ahalteke bedewleri dünýäde meşhur atlar hasaplanýar. Bu barada Beýik Britaniýanyň we Demirgazyk Irlandiýanyň Birleşen Patyşalygynyň Patyşasy Karl III Windzor galasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen geçiren duşuşygynda belledi.
Bu duşuşyga Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa hem gatnaşdy.
“Watan” habarlar gepleşiginde bellenilip geçilişi ýaly, Patyşa Karl III türkmen halkynyň Milli Lideriniň “At-myrat” atly paýhasly sözlerinde çuňňur manynyň bardygyny belledi.
Patyşa Karl III geljekde ahalteke bedewleriniň üsti bilen iki ýurduň arasynda hyzmatdaşlyk gatnaşyklaryny ösdürmäge we berkitmäge uly gyzyklanma bildirilýändigini belledi. Şonuň ýaly-da, Karl III geljek ýyl Beýik Britaniýada geçiriljek halkara atçylyk sport çärelerine behişdi ahalteke türkmen bedewleriniň hem gatnaşdyrylmagyna garaşylýandygyny aýtdy.
Patyşa Karll III bu çäre Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewanyň gatnaşmagynyň britan halkyna goýulýan hormat hökmünde kabul edilýändigini belledi.
Şeýle hem ol Oguljahan Atabaýewanyň türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň asyllybaşlangyçlaryny mynasyp dowam etdirýändigini aýtdy.