Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Beýik Britaniýanyň we Demirgazyk Irlandiýanyň Birleşen Patyşalygyna sapary başlandy.
“Watan” habarlar gepleşiginde bellenilip geçilişi ýaly, şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Beýik Britaniýanyň we Demirgazyk Irlandiýanyň Birleşen Patyşalygyna sapar bilen ugrady. Birnaçe sagatdan soňra türkmen halkynyň Milli Lideriniň uçary London şäheriniň halkara howa menziline gondy.
Mälim bolşy ýaly, şu günler Beýik Britaniýada meşhur Windzor halkara atly oýunlary geçirilýär. Oňa türkmen atşynaslary hem gatnaşýar. Türkmen atşynaslarynyň şeýle abraýly çäre gatnaşmagy «Garaşsyz, baky Bitarap Türkmenistan — bedew batly at-myradyň mekany» ýylynda has-da aýratyn ähmiýete eýedir.
«Royal Windsor Horse Show» 1944-nji ýyldan bäri Windzor köşgünde geçirilýän meşhur atly oýunlar çäreleriniň biridir.