Türkmenistanyň Prezidenti Serdar Berdimuhamedow Aşgabatda geçirilen halkara foruma gatnaşmak üçin gelen Russiýanyň Prezidenti Wladimir Putin bilen duşuşdy. Duşuşykda Wladimir Putin Türkmenistanyň Prezidentini 21-22-nji dekabrda Peterburgda geçiriljek GDA-nyň resmi däl sammitine gatnaşmak üçin ýene bir gezek çagyrdy.
Putin Aşgabadyň alyp barýan bitaraplyk syýasatynyň Russiýa bilen Türkmenistanyň ikitaraplaýyn gatnaşyklaryna uly goşant goşýandygyny belläp geçdi.
Russiýanyň Prezidenti: “Gatnaşyklarymyz üstünlikli ösýär. Biziň ähli ugurlar boýunça gatnaşyklarymyzy pugtalandyrmakda köp işler edildi. Ýene-de köp zat edip biljekdigimize ynanýaryn” diýip belledi.
Putin Moskwanyň we Aşgabadyň ykdysady hyzmatdaşlygynyň has-da diwersifikasiýalaşýandygyny belläp, taraplaryň ähli halkara platformalarda hem gowy özara hereket edýändiklerini aýtdy.