Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň Gyrgyz Respublikasynyň daşary işler ministri Žeenbek Kulubaýewiň arasynda telefon arkaly söhbetdeşlik boldy. Bu barada Gyrgyzystanyň daşary syýasat edarasy habar berýär.
Söhbetdeşligiň dowamynda taraplar köptaraplaýyn hyzmatdaşlygyň häzirki meselelerini ara alyp maslahatlaşdylar we sebitara we halkara gün tertibine degişli meseleler boýunça pikir alyşdylar.
Hususan-da, 2025-nji ýylyň 5-8-nji awgusty aralygynda “Awaza” milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC 3) taýýarlyk, şeýle hem Gyrgyz Respublikasynyň bu maslahata gatnaşmagy bilen baglanyşykly meseleler ara alnyp maslahatlaşyldy.
Taraplar deňze çykalgasy bolmadyk ösüp barýan ýurtlarynyň bähbitlerini ýokarlandyrmak, sebitleýin hyzmatdaşlygy güýçlendirmek we durnukly ösüşi ösdürmek üçin ähmiýetini belläp, bu halkara çäräni üstünlikli geçirmegiň möhümdigini aýtdylar.
Söhbetdeşligiň ahyrynda ministrler türkmen-gyrgyz hyzmatdaşlygyny ikitaraplaýyn we halkara guramalarynyň çäginde has-da çuňlaşdyrmak isleýändiklerini tassykladylar.