«Riwer Plate» klubynyň we Argentinanyň milli ýygyndysynyň ýarym goragçysy Franko Mastantuono Madridiň «Real» klubuna geçdi. Bu barada Ispaniýanyň klubunyň resmi saýtynda habar berilýär.
17 ýaşyndaky futbolçy bilen baglaşylan şertnama 2031-nji ýylyň iýun aýynyň ahyryna çenli dowam eder.
«Real» bu futbolçy üçin €45 million töledi (Transfermarkt maglumatlaryna görä).
Mastantuono «Riwer Plate» klubunyň türgenleşik mekdebiniň ýaş futbolçysydyr. Ol esasy düzümde 61 oýun geçirdi, 10 gol geçirip, ýedi netijeli pas berdi.
2025-nji ýylyň iýun aýynda Mastantuono 2026-njy ýyl dünýä çempionatynyň saýlama tapgyryndaky Çili bilen geçirilen oýunda Argentinanyň milli ýygyndysynda ilkinji gezek çykyş etdi (1:0). Ol milli ýygynda resmi oýunda çykyş eden iň ýaş futbolçy boldy (17 ýaş, 296 gün).