Kaliforniýa uniwersitetiniň Dawis Hukuk mekdebiniň çäginde hereket edýän “ALSA” jemgyýetiniň indi däbe öwrülip barýan Halkara medeniýet güni çäresine üstümizdäki ýyl hem Türkmenistanyň diwarlygy bilen gatnaşdyk.
2025-nji ýylyň 16-njy aprelinde geçirilen Halkara medeniýet gününe Dawis Hukuk mekdebinde bilim alýan halkara talyplar öz milli tagamlary we ýurdyny tanyşdyrýan stendleri bilen gatnaşdy.
Ýadyňyzda bolsa, geçen ýylyň aprel aýynyň 19-ynda geçirilen “ALSA” prezident saýlawlarynda türkmenistanly hukuk ylymlarynyň doktory Döwran Orazgylyjow bir döwür üçin bu guramanyň prezidenti wezipesine saýlanypdy.
ALSA-nyň täze adminstrasiýasy tarapyndan geçirilrlen bu ýylky çärede türkmen pişmesi myhmanlara hödürlendi. Şeýle hem milli gymmatlyklarymyzy tanyşdyrýan stendimiz köp sanly myhmanlarda uly gyzyklanma döretdi.
Türkmenistanyň stendimizde, şeýle hem Magtymgyly atamyzyň kitaby hem öz mynasyp ornuny tapdy. Çärede Türkmenistan bilen bir hatarda, Özbegistan, Türkiýe, Saud Arabystany, Hytaý, Brazilýa we başga-da birnäçe ýurtlaryň stendleri ýerleşdirildi.