Ýakynda Dil, edebiýat we milli golýazmalar Institutynyň ylmy işgärleri Amerikan-Türkmen Alymlar Alyş-çalyş Maksatnamasynyň çäginde ABŞ-dan dolandylar. Bu maksatnama “Merrion & Smith” we ABŞ-nyň Aşgabatdaky Ilçihanasy tarapyndan guraldy.
Türkmen halkynyň beýik şahyry Magtymguly Pyragynyň 300 ýyllygyna bagyşlanan bu alyş-çalyş maksatnamasy türkmen ylmy işgärlerine Kongres kitaphanasynda, Garwardyň “Houghton” kitaphanasynda, Ýeýl uniwersitetiniň “Beinecke” seýrek kitaplar we golýazmalar kitaphanasynda we Nýu-Ýorkuň Jemgyýetçilik kitaphanasynda ylmy gözleg geçirmäge mümkinçilik berdi.
Şeýle hem olar Ýeýl Uniwersitetiniň Türki ylymlary öwrenýän talyplaryna we mugallymlaryna çykyş etdiler. Bu sapar 18-nji asyrdan 20-nji asyryň başlaryna çenli türkmen golýazmalaryny gorap saklamagy maksat edinýän Döwlet Departamentiniň taslamasy arkaly amala aşyryldy.