Birleşen Milletler Guramasynyň Baş sekretary Antoniu Guterriş Merkezi Aziýa döwletlerinde resmi saparda bolar. BMG-niň Baş sekretary bu saparynyň çäklerinde Türkmenistana hem sapar bilen geler. Bu barada BMG-niň metbugat gullugy habar berýär.
BMG-niň Baş sekretary Antoniu Guterriş Merkezi Aziýa saparyna Özbegistandan başlar. Onuň Özbegistana sapary 29-njy iýun-1-nji iýul aralygynda bolar. Ol soňra Gyrgyzystanda, Gazagystanda, Täjigistanda we Türkmenistanda saparda bolar. Guterrişiň sebit ýurtlary sapary 7-nji iýula çenli dowwam eder.
Guterriş Gazagystanda 3-4-nji iýulda Astana şäherinde geçiriljek Şanhaý Hyzmatdaşlyk Guramasynyň döwlet Baştutanlarynyň sammitine gatnaşar.
BMG-niň Baş sekretary Guterriş Merkezi Aziýa ikinji resmi saparyny amala aşyrýar. Ol mundan ozal, 2017-nji ýylda sebit ýurtlarynda saparda bolupdy.