Germaniýada geçirilýän futbol boýunça Ýewropa çempionatynda toparçadaky duşuşyklar tamamlandy. Käbir garaşylmadyk netijeler gazanyldy. Käbir milli ýygyndylar Ýewropa çempionaty bilen hoşlaşdy.
Toparçadaky duşuşyklaryň netijesi boýunça Gruziýa bilen Awstriýa garaşylmadyk netijäni görkezdi. Şol sanda bu çempionatda birnäçe rekordlar täzelendi, käbir toparçalar ýygyndylaryň gazanan utuklary birmeňzeş boldy.
KÄBIR GYZYKLY MAGLUMATLAR:
- Awstriýanyň futbolçysy Romano Şmidiň Niderlandlaryň derwezesinden geçiren goly Ýewropa çempionatlarynyň taryhyndaky 900-njy gol boldy.
- Toparçadaky duşuşyklarda netijelilik rekordy goýuldy. 12 duşuşykda 34 gol geçirildi. Bu çempionatyň taryhynda rekord boldy. Mundan ozal, 2012-nji ýylda 12 duşuşykda 33 gol geçirilipdi.
- Ilkinji gezek Ýewropa çempionatynda 4 ýygyndy birmeňzeş utuk gazandy. Rumyniýa, Belgiýa, Slowakiýa we Ukraina 4 utuk gazandy.
- Bu çempionatda 90 minutdan soňra geçirilen gollarda hem rekord boldy. 10 gol geçirilip, mundan ozal, 2016-njy ýylda 9 gol geçirildi.
- Romelu Lukaku 6 sany gol geçirmek mümkinçiligini elden berdi. Bu hem 1980-nji ýyldan bäri özboluşly rekord boldy.
- Toni Kross toparçalardaky duşuşyklarda 324 dürs pasy geçirdi.
- Gruziýanyň (74) Portugaliýany (6) ýeňmegi, FIFA-nyň reýtinginde pes derejedäki ýygyndynyň ilkinji onlukdaky ýygyndydan üstün çykmagy bilen netijelen Ýewropanyň taryhyndaky ilkinji duşuşyk boldy.
- Türkiýe bilen Çehiýanyň arasyndaky duşuşykda Ýewropanyň taryhynda iň köp sary petek görkezilen duşuşyk boldy. Emin futbolçylara 20 sary petek görkezdi.
- Albaniýaly Nedim Baýrami Ýewropanyň taryhyndaky iň çalt goly geçirdi. Ol Italiýanyň derwezesinden 23-nji sekuntda gol geçirmegi başardy.
Futbolçylaryň we tälimçileriň ýaşlary boýunça gazanan rekordlary:
- Ýewropa çempionatynda çykyş eden iň ýaş futbolçy — Lamin Ýamal (16 ýyl 338 gün);
- Ýewropa çempionatyndaky ilkinji duuşygynda tapawutlanan iň ýaş futbolçy — Arda Güler (19 ýyl 114 gün);
- iň ýaş tälimçi — Ýulian Nagelsman (36 ýyl 327 gün);
- iň ýaş kapitan – Dominik Soboslai ( 23 ýyl 243 gün);
- iň ýaşy uly futbolçy — Pepe (41 ýyl 113 gün);