ARKADAG ŞÄHERI – YLHAM
ÝAŞLAR SIZIŇ BILENDIR, ARKADAGLY SERDAYMYZ
Dowamaty beýik Merdiň, gurýan ýolam belent, aýdyň,
Döwri döwür, ömri ömür soňlanmajak dessan, aýdym,
Onsoň beýle bagtdan ganyp men öz Watanymy söýdüm,
Gursaga sygmaz joşumyz, has şanlydyr kalp sazymyz,
Ýaşlar Siziň bilendir, Arkadagly Serdarymyz.
Oka, öwren, döret, galdyr, halal zähmet sarpaly,
Bu gül Diýar berk binýatly, Arkadagdan arkaly,
Biz halal zähmetde ýazýas, taryh altyn harpyny,
Bereketli tomus, güýzi, päk gyşy, görkli ýazymyz,
Ýaşlar Siziň bilendir, Arkadagly Serdarymyz.
Täze oba, täze şäher, döwrebap hem naýbaşy,
Ak otagly, kämil, kaşaň, gurluşy bar öý goşy,
Bu zatlary ýaşlar gurýar, taraşlan deýin daşy,
Bizde mäkäm ynam barka, goýmaly öçmez yzymyz,
Ýaşlar Siziň bilendir, Arkadagly Serdarymyz.
Ylym-bilim, inowasiýa, sanly ulgam elinde,
Halk galkynýar, il gülleýär, ösen ýurtlaň deňinde,
Bu Watanyň ak ertiri, biz ýaşlaryň elinde,
Ýurt başynda bize nusga dur merdana, merdanymyz,
Ýaşlar Siziň bilendir, Arkadagly Serdarymyz.
Ýaşyl Tugumyz göterip dünýä çykmaly nesil biz,
Seljuk, Alp-arslan, Görogly, dünýäni baglan aslymyz,
Täze Galkynyş döwrümiz, rowaçlyklydyr asyrmyz,
Arkadag Serdarly ýaşlar bagta sary ak ýolumyz,
Ýaşlar Siziň bilendir, Arkadagly Serdarymyz.
Şageldi SALYHOW.
Türkmenistanyň Prezidentiniň “Türkmeniň
Altyn asyry” atly bäsleşiginiň ýeňijisi.
Türkmenistanyň Ýaşlar baýragynyň eýesi.