Ozal hem habar berşimiz ýaly, Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Lýuksemburg döwletinde geçirilen Merkezi Aziýa-Ýewropa Bileleşigi 19-njy ministrler duşuşygyna gatnaşdy.
Şol duşuşykda türkmen tarapy 2024-nji ýylda bu formatdaky duşuşygy Türkmenistanda geçirmek baradaky teklip bilen ýüzlendi. Bu teklip Merkezi Aziýa-Ýewropa Bileleşigi 19-njy ministrler duşuşygynyň bilelikdäki beýanatynda hem öz ornuny aldy.
Duşuşyga gatnaşyjy döwletleriň ministrleri Türkmenistanyň teklibini makulladylar, şeýle hem duşuşygyň çäklerinde ÝB bilen Merkezi Aziýanyň arasyndaky hyzmatdaşlygy çuňlaşdyrmak üçin “ýol kartasy” bilelikde kabul etdiler.
Şeýle hem 2024-nji ýylyň ikinji çärýeginde Özbegistanda ÝB-Merkezi Aziýa sammitiniň geçiriljekdigi yglan edildi.