«Bir guşak, bir ýol» üçünji ýokary derejeli maslahatynyň çäklerinde Türkmenistanyň Ministrler Kabinetiniň Başlygynyň orunbasary Nurmuhammet Amannepesow Hytaý Halk Respublikasynyň bilim ministri Huaý Szinpen bilen duşuşdy. Bu barada Hytaý Halk Respublikasynyň Bilim ministrliginiň resmi saýtynda bellenilip geçilýär.
Duşuşygyň barşynda taraplar Türkmenistan bilen Hytaýyň arasynda bilim ulgamynyň dürli ugurlaryndaky hyzmatdaşlyga ýokary baha berip, taraplar bilim, ylym we medeniýet ulgamlaryny mundan beýläk-de hyzmatdaşlygyň gerimini giňeltmek üçin täze mehanizmleri we innowasion usullary bilelikde öwrenmek babatda iş alyp barýandyklaryny bellediler.
Türkmen tarapy mundan beýläk-de Hytaý bilen ýokary okuw mekdepleri, talyplaryň alyş-çalşygy, sanly bilim ýaly ugurlarda hyzmatdaşlygy pugtalandyrmaga taýýardygyny belläp geçdi.
Hytaýyň ministri iki tarapyň hem köp derejeli hyzmatdaşlygyň täze mehanizmini bilelikde işe giriziljekdigine we ÝUNESKO-nyň çäginde öz içine alýan täze modelleriň we görnüşleriň dörediljekdigine we bilim pudagynda hytaý-türkmen gepleşiklerini täze derejä çykaryljakdygyna ynam bildirdi.