Häzirki wagtda oktýabr aýynda geçirilmegi göz öňünde tutulýan XXVIII “Türkmenistanyň nebiti we gazy-2023” atly halkara sergisine we maslahatyna ýokary derejede taýýarlyk görülýär. Bu barada bu halkara forumyň guraýjylaryndan “Türkmen forum” hojalyk jemgyýeti habar berýär.
Berlen maglumata görä, nebiti eksport ediji ýurtlaryň guramasy (OPEK) Aşgabatda geçiriljek halkara foruma gatnaşmaga isleg bildirdi. OPEK guramasynyň nebit barlaglary bölüminiň ýolbaşçysy Behruz Baýkalizadeniň ýolbaşçylygyndaky wekiliýet bilen gatnaşar.
Şeýle hem bu foruma “Dragon Oil”, “Schlumberger”, “Eni”, “CNPC ” we “Petronas”we beýleki iri kompaniýalar hem gatnaşmagy meýilleşdirýär.
Maslahat bilen bir hatarda geçiriljek sergä ýerli firmalaryň hem gatnaşmagy meýilleşdirilýär. Bu firmalar nebitgaz pudagynda hyzmat bermek ugrunda iş alyp barýarlar.