2023-nji ýylyň 1-nji awgustyndna Russiýa Federasiýasy daşary ýurtlular üçin ýeke-täk elektron wiza düzgünini girizýär. Bu barada Russiýa Federasiýasynyň Daşary işler ministrliginiň resmi saýtynda bellenilip geçilýär.
Daşary ýurt raýaty Russiýa Federasiýasyna gitmezden iň azyndan 4 senenama güni ozal elektron wiza almak üçin ýüz tutmalydyr. Russiýanyň Daşary işler ministrliginiň ýöriteleşdirilen https://electronic-visa.kdmid.ru salgysy ýa-da onuň mobil goşundy arkaly elektron görnüşde sowalnamany doldurmak gerek.
Arzanyň ýany bilen surat we daşary ýurt raýatynyň pasportunyň skanirlenen sahypasy berkidilýär. Ýeke-täk elektron wiza almak üçin başga resminamalar talap edilmeýär. Şol bir wagtda wizanyň bu görnüşi töleglidir.
– Ýeke-täk elektron wiza Russiýa Federasiýasyna myhman ýa-da iş sapary bilen barmaga, şol bir wagtda syýahatçy hökmünde gitmäge, ylmy, medeni, syýasy-jemgyýetçilik, ykdysady, sport çärelerine gatnaşmak üçin bir gezeklik Russiýa girmäge mümkinçilik berýär – diýlip bellenilýär.
Elektron wizanyň möhleti resmileşdirilen gününden başlap 60 gije-gündizdir.