Türkmenistanyň ilçisi Sapar Palwanow Ýewropa Komissiýasynyň Başlygy Ursula fon der Lýaýene ynanç hatyny gowşurdy. Duşuşykda ilçi Türkmenistanyň ähli ugurlarda ikitaraplaýyn hyzmatdaşlyk mehanizmlerini mundan beýläk-de pugtalandyrmaga ygrarlydygyny belledi.
Türkmen diplomaty ýokayr derejedäki saparlaryň guramagyň möhümdigini belläp, türkmen tarapynyň şu ýylyň ahyryna çenli Türkmenistanyň Prezidentiniň Ýewropa Bileleşiginiň institutlarynyň ýolbaşçylary bilen duşuşygy üçin Brýussele saparyny guramagy göz öňünde tutýandygyny belledi.
Hanym Ursula fon der Lýaýen Türkmenistanyň döwlet Baştutany bilen duşuşmaga şatdygyny belläp, öz topary bilen bilelikde türkmen taapy bilen bu mesele boýunça bilelikde iş alyp barmaga taýýardygyny belledi.
Türkmenistanyň Brýusseldäki ilçihanasynyň habar bermegine görä, duşuşykda energetika ulgamynda hyzmatdaşlygy pugtalandyrmaga degişli meseleler boýunça hem pikir alşyldy. Ýewropa Komissiýasynyň Başlygy Türkmenistanyň Hökümetiniň energetika ulgamynda hyzmatdaşlygy giňeltmäge taýýardygyna ýokayr baha berip, bu ugurda geljekki hyzmatdaşlyk gatnaşyklarynyň berkidilmeginiň ÝB üçin esasy ugurlaryň biridigini belledi.
Ilçiniň bellemegine görä, türkmen tarapynyň bu babatda ýakyn wagtda Brýusselde Ýewropa Komissiýasynyň energetika boýunça Baş direktorlygy bilen gepleşikler geçirjekdigi mälim edildi.
Duşuşygyň ahyrynda taraplar Türkmenistan bilen ÝB-niň arasyndaky gatnaşyklary pugtalandyrmaga ygrarlydyklaryny beýan etdiler.