Birleşen Arap Emirlikleriniň Prezidenti Şeýh Mohammed bin Zaýed Al Nahaýýan kiçi dogany Şeýh Said bin Zaid Al Nahaýýanyň aradan çykandygy zerarly ýurtda 3 günlük ýas yglan etdi. Bu barada ýurduň resmi habarlar gullugy habar berýär.
1965-njı vylda doglan Şeýh Said bin Zaid Al Nahaýýan 1988-nji ýylda BAE-niň uniwersitetinde syýasy bilimler ugry boýunça bakalawr derejesini aldy.
Okuwyny tamamlandan soňra Abu-Dabiniň meýilnamalaşdyryş bölüminde wezipä bellendi. 1991-1996-njy ýyllarda deňiz portlary bölüminiň ýolbaşçysy boldy.
Ol ýurduň ýolbaşçy düzümi bilen köp sanly daşary ýurt saparlarynda wekiliýetiň agzasy bolup çykyş etdi. 2002-2003-nji ýyllarda BAE-niň futbol assosiasiýasynyň ýolbaşçysy boldy.
Mundan başga-da, BAE-de dürli ösüş taslamalarynda möhüm rol oýnady. Şeýle hem, Abu Dabiniň Ýerine ýetiriji geňeşiniň, Abu Dabiniň Ykdysady ösüş geňeşiniň (ADCED) agzasy boldy.