Ýewropanyň öňdebaryjy çempionatlarynda gyzykly duşuşyklar geçirilýär. Bu duşuşyklar şol bir wagtda şol ýurtlaryň milli çempionatynda öňdebaryjylar hem kesgitlemek babatynda ähmiýetlidir.
Angliýanyň milli çempionatynda 29-njy tapgyryň esasy duşuşygy “Mançester Siti-Liwerpul” duşuşygy bolar. Şu gün geçiriljek duşuşyk Aşgabat wagty bilen 16:30-da başlaýar.
61 utugy bolan “Mançester Siti” topary çempionatyň lideri “Arsenal” toparyndan 8 utuk yzda.
Germaniýanyň milli çempionatynda bolsa, 26-njy tapgyryň esasy duşuşygy “Bawariýa-Borussiýa Dortmund” duşuşygy bolar. Çempionatda birinji we ikinji orunda bolan toparlaryň bu duşuşygy uly ähmiýete eýedir.
Bu duşuşyk hem şu gün Aşgabat wagty bilen 21?30-da geçiriler.
Ozal “Borussiýa Dortmund” toparyna tälim beren Tomas Tuhel “Bawariýa” täze tälimçisi hökmünde ilkinji duşuşygyna çykar.
Italiýanyň milli çempionatynda “Milan-Napoli” duşuşygy 2-nji aprel ýekşenbe güni Aşgabat wagty bilen 23:45-de geçiriler.
Fransiýanyň çempionatynda öňdebayrjy “PSŽ” topary 29-njy tapgyrnda “Lion” topary bilen duşuşar. Bu duşuşyk hem 2-nji aprel ýekşenbe güni Aşgabat wagty bilen 23:45-de geçiriler.