Russiýa Federasiýasynyň Hökümetiniň Başlygy Mihail Mişustin 2023-nji ýyldaky ilkinji saparyny Türkmenistana amala aşyrýar. Ol Aşgabat şäherine geldi.
TASS habarlar gullugynyň habar bermegine görä, Russiýa Federasiýasynyň Hökümetiniň Başlygy Mihail Mişustin türkmen-rus işewürler forumyna gatnaşmak üçin Aşgabada geldi.
Mişustin iş saparyny A.S.Puşkin adyndaky umumybilim berýän bilelikdäki türkmen-rus mekdebine baryp görmek bilen başlaýar.
Russiýa Federasiýasynyň Hökümetiniň Başlygy Mihail Mişustin saparynyň çäklerinde Türkmenistanyň Prezidenti bilen duşuşar.
Şeýle hem ol günüň ikinji ýarymynda Türkmenistanyň Söwda-senagat edarasynda geçirilýän türkmen-rus işewürler forumyna gatnaşyp, şol ýerde çykyş eder.