Beýik Britaniýanyň şazada aýaly Diananyň awtoulagy auksionda satyldy. Beýik Britaniýada guralan auksionda “Ford Eskort” kysymly ulag 724 müň funt-sterlinge satyldy.
Diana bu ulagy 1985-1988-nji ýyllar aralygynda sürüpdi. Adatça, ulagyň bu görnüşi ak reňkde öndürilipdi. Ýöne Diananyň haýyşy bilen ulagyň gara reňki öndürildi.
Diananyň muşdaklary 31-nji awgustda geçiriljek ýatlama gününe garaşýarlar. Mälim bolşy ýaly, 1997-nji ýylyň 31-nji awgustynda şazada aýaly Diana ýol-ulag heläkçiliginde aradan çykypdy.