Florida uniwersitetiniň alymlary Aýdan getirilen toprak nusgalarynda ösümlikleri ösdürip ýetişdirmek üçin ilkinji üstünlikli synag geçirdiler. “Apollon” missiýasynyň kosmonawtlary tarapyndan Ýere getirilen toprak nusgalaryny ulanyldy.
Aýyň topragyna kress-salat ösümliginiň tohumy oturdyldy we ol hem gögerdi. Bu ýagdaý Aýdaky topragyň ösümlik üçin ýaramlydygyny görkezdi we geljekki Aýda amala aşyryljak missiýalar üçin uly ähmiýete eýe boldy.
Ýöne Aýyň topragynda ýetmezçilikleriň bardygy belli edildi. Şeýlelikde, “Aý” saladynyň boýy gaty pes boldy. Alymlar Ýeriň emeli hemrasynyň üstündäki kosmiki radiasiýa täsir edýändigini bellediler. Toprak radiasiýa we Gün ýelinden näçe daşda bolsa, ösümlikler üçin has ýaramly bolýar.
“Apollon-11” missiýasynyň getiren toprak nusgalary “oba hojalyk” üçin ýaramly hasap edildi. Bu missiýa Aýdan Ýere 842 funt (381 kg) daş we toprak getiripdi. Florida uniwersitetiniň alymlar toparyna synag üçin 12 gram möçberinde toprak berildi.
Ãene bir ýörite uçar gatnawy: “Türkmenistan†awiakompaniýasy