Şu gün özal habar berşimiz ýaly, Russiýanyň Türkmenistandaky ilçihanasynyň gurnamagynda Moskwa-Türkmenabat-Moskwa ugry boýunça nobatdaky ýörite uçar gatnawy amala aşyryldy.
Russiýanyň “S7” awiakompaniýasy tarapyndan gurnalan bu gatnawdan 170 ýolagçy peýdalandy. Şeýle hem berlen maglumata görä, bu gatnaw bilen Tükrmenistana 12-nji martda geçiriljek Prezident saýlawlary üçin halkara synçylar topary Türkmenistana geldi.
Russiýanyň “S7” awaikompaniýasy tarapyndan amala aşyrylan bu gatnaw pandemiýa döwründe halkara uçar gatnawlarynyň wagtlaýyn togtadylan döwründe 37-nji gatnaw boldy.
Mälim bolşy ýaly, ozal hem habar berşimiz ýaly, soňky gezek Moskwa-Türkmenabat-Moskwa ugry boýunça ýörite gatnaw 18-nji fewralda amala aşyrylypdy we ol 36-njy gatnaw boldy.
Şeýle hem häzirki pandemiýa döwründe ýörite gatnawlary amala aşyrýan ýene-de bir awiakompaniýa “Türkhowaýollary” kompaniýasydyr.
Bu kompaniýa hem şu gün Stambul-Türkmenbaşy-Stambul ugry boýunça ýörite gatnawyny ýerine ýetirýär.
“Atavatan Türkmenistan” halkara žurnalynyň www.atavatan-turkmenistan.com saýtynda ýerleşdirilýän ýurdumyzyň täzelikleri, bäsleşikler, tenderler, uçar gatnawlary we beýleki habarlardan habarly bolmak isleseňiz, onda, mobil goşundymyzy şu aşakdaky linke basyp ýükläp alyp bilersiňiz.
