Dünýä belli “Time” žurnaly tarapyndan “ýylyň adamy” saýlandy. Ol “Tesla” hem-de “SpaceX” kompaniýalarynyň esaslandyryjy Ilon Mask boldy.
Mälim bolşy ýaly, Ilon Mask üstümizdäki ýylda dünýäniň iň baý adamy boldy. “SpaceX” kompaniýasynyň abraýy has-da belende galdy.
Britan neşiriniň belläp geçmegine görä, amerikaly işewüriň howanyň üýtgemegi, emeli aňyň ösdürilmegi hem-de kriptowalýutanyň ulanylmagy babatda başlangyçlarynyň gyzgyn goldawa mynasyp boldy.
“Time” žurnalynyň baş redaktory Edward Felsenthal, 297 milliard dollar baýlygy bolan Mask üçin göni ýaýlymda eden çykyşynda “ýerdäki durmuşy we belki-de dünýäniň daşyndaky durmuşy üýtgedýär” -diýdi.
Felsenthal: “Soňky 12 aýyň dowamynda gazanylan üstünlikler sebäpli onuň hiç haçan ünsden düşmändigini gördük” -diýip belledi.
50 ýaşyndaky Masskyň beýleki kompaniýasy bolan “Tesla” kompaniýasynyň geljek ýyl “Tesla Bot” atly emeli intellektli gumanid roboty işläp düzüp, tehnologiýada öňe gidişlik etjekdigi habar berildi.
“Time” žurnaly 1927-nji ýylda döredileninden bäri her ýylyň ahyrynda “ýylyň adamyny” saýlaýar.
14-nji dekabr ýyldyzlar näme diýýär? Gündelik Täleýnama