Angliýanyň “Liwerpul” toparyndaky futbol oýny bilen tanalan Stiwen Jerrard tälimçi wezipesinde hem baý tejribe toplap başlady. Ol Angliýanyň milli çempionatyndaky “Aston Willa” toparyna tälim berer.
birmingem topary 41 ýaşly hünärmen bilen 2,5 ýyllyk şertnama baglaşdy. Şeýlelikde, Stiwen Jerrard bu toparyň iň köp hak tölenýän tälimçisi bolar.
2018-nji ýylda Şotlandiýanyň “Reýnjers” toparyna tälimçi wezipesine bellenen Jerrard 2020-2021-nji möwsümde toparyny çempionlyga ýetirdi.
“Aston Willa” toparyna baş tälimçi wezipesine bellenen Stiwen Jerrard bu toparyň baý taryhy we däp-dessurlarynyň bardygyny belledi. Şeýle topara tälim bermekden buýsanýandygyny bellän Jerrard toparyň maksatlaryna ýetmek üçin tagalla etjekdigini belledi.
11 tapgyrdna soňra “Aston Willa” topary 10 utuk bilen 16-njy orunda barýar.
Jerrard futbolçy bolan döwründe 11 kubogyň eýesi boldy. Ol Çempionlar ligasy, UEFA-nyň kubogy, 2 gezek Angliýanyň kubogy, 3 gezek Liganyň kubogy, 2 gezekden Angliýanyň Superkubogyny we UEFA-nyň Superkubogyny gazandy.
Jerrrard 1998-2015-nji ýyllar aralygynda “Liwerpul” toparynda, soňra 1,5 ýyl “Los-Anjeles Gelaksi” toparynda çykyş edipdi.