Türkmenistan baradaky ähli habarlaryň jemlenen platformy bolan “Türkmenistan Habar” saýtyna täze hyzmatdaşlar goşulýar. Türkmenistanyň Söwda we daşary ykdysady aragatnaşyklar ministrligi tarapyndan esaslandyrylan “Biznes reklama” gazetiniň www.br.com.tm saýty we Türkmenistanyň Daşary işler ministrliginiň Halkara gatnaşyklary institutynyň https://www.iirmfa.edu.tm/ saýtlary “Türkmenistan Habar” saýtynyň täze hyzmatdaşlary bolup, ata Watanymyz baradaky habarlary has giň okyjylar köpçüligine ýetirmäge mümkinçilik berýär.
“Biznes reklama” gazeti esasan hem biznes we motiwasiýa baradaky habarlary we makalalary bilen okyjylaryň söýgüsini gazanan gazet bolup üns çekýär.
https://www.iirmfa.edu.tm/ saýty bolsa talyplar tarapyndan dolandyrylýan saýt bolmak bilen ýaňy-ýakynda geçirilen “Ýylyň iň gowy web saýty” bäsleşiginde 1-nji orna mynasyp boldy.
Mälim bolşy ýaly, “TürkmenistanHabar” platformy “Türkmen Gazet” saýty, “InAshgabat” saýty, “Atavatan Türkmenistan” saýty, “Türkmen Habar” saýty, “New Ashgabat” we “Orient.tm” habarlar saýtlaryň hyzmatdaşlygynda hereket edýär. Täze formatda hereket edýän www.turkmenistanhabar.com saýtynyň hemaýatkäri Türkmen we Iňlis dillerindäki ilkinji akylly sözlük bolup durýan “Makul Sözlük” (www.makulsozluk.com ) bolup durýar.
“Türkmenistan Habar” 4 dilde, Türkmen, Türk, Rus we Iňlis dillerinde hereket edýär we çeşme saýtyň habarlary haýsy dilde bolsa “Türkmenistan Habaryň” şol dildäki bölümine ýerleşdiriler. Saýtlara girilen ähli habarlar şeýle hem “gysga akýan habar” görnüşde saýta beriler.
Türkmenistan Habar saýty, web saýtlaryň reýtingi boýunça maglumatlar berýän Alexa görä, dünýädäki millionlarça saýtlaryň arasynda 5517-nji orunda, Türkmenistandan girilýän ähli saýtlaryň arasynda bolsa 11-nji orunda durýar.
Ýakynda “Türkmenistan Habar” Platformasynyň Applikasiýasy hereket edip başlar we täze formatda hereket edýän saýtyň habarlary jemgyýetçilik torlarynyň üsti bilen täze okyjylara ýetiriler!
Saýt bilen habarlaşmak we öz habar saýtyňyz boýunça hyzmatdaşlyk gatnaşyklaryny ýola goýmak üçin turkmenistanhabar@gmail.com elektron poçta salgysyna ýazyp bilersiňiz!
“Orient.tm†saýty “Türkmenistan Habar†platformasyna goşulýar