Amerikanyň Birleşen Ştatlarynyň Smitson instituty Ýer ýüzündäki iň uly muzeý, okuw we ylmy merkezdir. Institut 1876-njy ýylda esaslandyrylypdyr.
Bu institut, sözüň doly manysynda medeni we ylmy hazynadyr. Ondaky muzeýleriň sany 19-a ýetýär. Muzeýlerden başga-da, bu toplumda 21 sany kitaphana we 9 sany ylmy merkez bar.
Şu hemmesimi? Ýok, heniz hemmesi däl. Toplumyň özüne degişli haýwanat bagynyň hem bardygyny aýtmak gerek.
Institutyň muzeýlerinde jemi 155 million ýakyn gymmatlyk saklanylýar. Şolaryň 2 milliondan gowragy bolsa sungat we senet eserleridir.
Bu ýerdäki gymmatlyklary synlamak üçin her ýyl 30 million çemesi adam gelýär. Bu bolsa muzeýe ýyllyk 1,2 milliard dollar möçberinde girdeji getirýär.