Şu ýylyň 12-nji fewralynda Türkmenistanyň Ministrler Kabinetiniň giňişleýin mejlisi geçiriler. Şol mejlisiň öňüsyrasynda hormatly Prezidentimiz ýurdumyzyň dürli pudaklary boýunça aýry-aýrylykda iş maslahatlaryny geçirdi. Şol maslahatlarda 2020-nji ýylda ýerine ýetirilen işleriň netijelerine garaldy we olaryň işini kämilleşdirmek boýunça öňde durýan wezipeler kesgitlenildi.
llki bilen nebitgaz toplumyny ösdürmek boýunça iş maslahaty geçirildi. Soňra oba hojalyk, gurluşyk-senagat, söwda, ulag-aragatnaşyk, medeniýet we köpçülikleýin habar beriş serişdeleri toplumy, ylym, bilim, saglygy goraýyş, sport ugurlarynda we jemgyýetçilik guramalary boýunça iş maslahatlary geçirildi.
Bu ähli maslahatlarda ýurdumyzyň ýokarda agzalyp geçilen pudaklarynda 2020-nji ýylda edilen işleriň netijelerine garaldy. Milli Liderimiz aýry-aýry pudaklar boýunça degişli ýolbaşçylaryň her birine anyk tabşyryklary berdi.
Şu gün milli Liderimiz ýurdumyzyň daşary syýasat ugry boýunça 2020-nji ýylda edilen işler boýunça iş maslahatyny geçirdi. Onda hödürlenen resminamalaryň taslamalary boýunça hormatly Prezidentimiz bu resminamalaryň beýleki pudaklar bilen dahylly taraplarynyň bardygyny aýdyp, olara şu ýylyň 12-nji fewralynda Ministrler Kabinetiniň giňişleýin mejlisinde garamagyň maksadalaýyk boljakdygyny belledi.
Bu barada “Watan” habarlar gepleşiginde bellenilip geçildi.
Interaktiw sahypamyz- okyjylarymyzdan gelen habar we eserleriň ýerleşdirilýän sahypasy-sizden gelenler sahypasy siziň iberjek eserleriňize garaşýar!
