Köp sanly filmlerdäki keşbi bilen kino muşdaklarynyň söýgüsini gazanan amerikaly meşhur aktrisa Skarlett Ýohansson häzirki wagtda Golliwudyň iň köp hak tölenýän sungat işgärleriniň biridir.
Ýaşlyk ýyllary
Skarlett Ingrid Ýohansson – aktrisa, aýdymçy 1984-nji ýylyň 22-nji noýabrynda ABŞ-nyň Nýu-Ýork şäherinde dogulýar. Aktrisanyň kakasynyň ady Karsten Ýohansson – arhitektor, ejesiniň ady Melani Sloun öý hojalykçy. Onuň dört sany erkek dogany we bir aýal dogany bar. Ýaşlyk döwründe Skarlett, Nýu-Ýork şäherindäki “Li Strasberg” aktýorçylyk mekdebine gatnaýar, emma bu ugry Los-Anjeles şäherinde doly tamamlaýar. 2002-nji ýylda Manhettan şäherindäki mekdebi tamamlaýar.
Kino karýerasy hakda
Aktrisa eýýäm 9 ýaşynda kino düşmäge başlaýar, 11 ýaşynda bolsa jübütleýin sahnalarda çykyş edip ugraýar. Özüniň ilkinji kino roluny “Nort” filminde ýerine ýetirýär. 1998-nji ýylda “Atlary jadylaýjy” filminde çykyş eden Skarlett, ABŞ-da ony meşhur aktrisa hökmünde tanap başlaýarlar. 2004-nji ýylda aktrisany Amerikanyň kinoakademiýasyna çagyrýarlar. 2010-njy ýylda “Demir adam 2” filminde oýnaýar we üstünlikli çykyş edenden soňra, 2012-nji ýylda “Ar alanlar” filminde hem çykyş edýär. Aktrisanyň ejesi Melani Sloan, kinosungatynda dolandyryjy bolup durýar.
Şahsy durmuşy
Skarlett Ýohanssonyň Rous Doroti Doriak atly gyzjagazy bar. Öz şahsy durmuşy barada aktrisa habarçylara habar bermek islemeýändigi aýdyp geçdi. Ýöne 2017-nji ýylyň dekabr aýyndan bäri ssenarist Kolin Jostom bilen duşuşýandyklary barada gürrüň edilýär.
Aktrisa barada gyzykly maglumatlar
Skarlett Ýohansson – dünýä belli Kalwin Kleýn atyr kompaniýasynyň ýüzi bolup durýar. 2006-njy ýylda “L’Oréal” kompaniýa bilen şertnama baglaşdy.
2016-njy ýylda aktrisa, Genri Kawill bilen bilelikde “Huawei” kompaniýasynyň “Huawei P9” akylly telefonyny tanatmak üçin mahabat kompaniýasyna gatnaşdy.
Skarlett çepbekeý.
Onuň Meggi atly güjügi we Truper atly pişijegi bar.
Meşgur golliwud seýilgähinde ýyldyzjygy bar.
Boýy – 163 sm
Agramy – 57 kilogram
Ýyldyzy: Içýan
Gazanan üstünlikleri
2004-nji ýylyň “BAFTA” premiýasynyň laureaty “Iň gowy aktrisa”
2010-njy ýylyň “Toni” premiýasynyň laureaty “Iň gowy aktrisa”
2014-nji ýylda “Sezar” premiýasynyň ýeňijisi
2018-nji ýylyň 16-njy awgustynda “Forbes” žurnalynyň aktrisalaryň arasynda iň köp aýlyk tölenýän aktrisasy boldy. Bir ýylda 40,5 million dollar gazanmagy başardy.
2020-nji ýylda iki gezek “Oskar” baýragyna dalaşgär görkezildi.
Aktrisanyň iň gowy filmleri
“Kapitan Marwel”
“Demir adam”
“Şef”
“Barselona”
“Atlary jadylaýjy”
Bulary okamak hem gyzykly!
Golliwudda yz galdyran aktrisa – Anželina Joli
Silwester Stallone: Rembo we Rokki Size seslenýär
Morgan Frimen – Golliwudyň iň hormatlanýan aktýory
Jeki Çan – aktýor we aýdymçy
“Ganly Sport” filmi bilen adygan aktýor: Wan Damm
Saýtymyzyň wideo habarlar sahypasy –geljekde iň işjeň sahypalaryň biri bolsa gerek. Häzirki döwürde bu sahypamyza birnäçe wideo rolik ýerleşdirilendir.
