Turiniň «Ýuwentus» futbol topary portugaliýaly ýyldyz Kriştianu Ronaldu bilen ýollary aýyrmakçy. Bu barada «Diario Sportuň» habarynda aýdylýar.
Neşiriň berýän maglumatyna görä, hüjümçi 2021-nji ýylyň tomsunda transfere goýlar. Munuň esasy sebäpleriniň biri hem futbolçynyň ýokary hakydyr. Mälim bolşy ýaly, Turin şäheriniň topary oňa her ýylda 31 million ýewro töleýär. Şonuň üçin hem topar 35 ýaşly hüjümçi bilen şertnamany uzaltmakçy däl.
Koronowirusdan açylandan soňra geçiren ilkinji duşuşygynda Ronaldonyň iki gezek tapawutlanandygyny ýatladýarys.
Ronaldo «Ýuwentusuň» düzümine 2018-nji ýylda goşuldy. Portugaliýaly hüjümçiniň transferi Turin şäheriniň toparyna 100 million ýewro düşdi. Topar bilen 2022-nji ýylyň tomsuna çenli şertnama baglaşan Ronaldu Italiýanyň çempiony we Naýbaşy kubogynyň eýesi boldy.
Global pandemiýa şertlerinde Saglyk ulgamyna degişli habarlar dünýäniň ähli ýerlerinde iň köp okalýan habarlaryň biridir!
