Ispaniýanyň we dünýäniň iň güýçli topary hasaplanýan “Barselona” topary Çempionlar ligasynyň çärýek finalynda Germaniýanyň “Bawariýa” toparyndan 8:2 hasabyndan utulandan soňra toparda düýpli üýtgeşikler geçirmegi meýilleşdirýär.
MESSI TOPARDAN GIDER
2017-nji ýylda Neýmaryň “Barselonadan” Fransiýanyň PSŽ toparyna geçjekdigini mälim eden žurnalist Marselo Bekler Lionel Messiniň topardan gitjekdigini toparyň ýolbaşçylaryna habar berendigini mälim etdi. Şertnamasy indiki ýyl tamamlanýan Messiniň täze toparyndaky futbol ýoluna 2020-2021-nji ýylyp möwsüminde başlajakdygy mälim edildi.
Messi bilen gyzyklanýan toparlar: Italiýanyň “Inter” hem-de Angliýanyň “Mançester Siti” toparydyr.
“Barselona” toparynyň düzüminde ýetişen Messi 731 duşuşykda 634 gol geçirip, 285 ýardam pasyny ýerine ýetirdi we şol döwürde 6 gezek “Ballon d’Or” baýragyna eýe boldy.
TOPARDA DÜÝPLI ÜÝTGEŞIKLIKLER GEÇIRILER
Toparyň ýolbaşçylary 4 futbolçydan galan ähli futbolçylary satmagy göz öňünde tutýar. Eýýäm topary tälimçisi Kike Setýen hem-de toparyň sport direktory Erik Abidal wezipesinden boşadyldy.
- Topar köp sanly futbolçysyny satmagy meýilleşdirýär. Futbolçylar üçin geljek teklipler maslahatlaşylar.
- Häzirki wagtda 4 futbolçy satylmaýar: Olar – derwezeban Andre ter Stegen, Klemet Lenglet, Frank de Ýong we Lionel Messidir.
- Neto, Umtiti, Junior, Rakitiç, Rafinýa, Widal, Koutinio, Braitwaite we Artur ýaly futbolçylar satuw sanawynda dur.
- “Barselona”-nyň özüniň ýetişdiren futbolçylaryndan Serhio Buskets we Jerard Pike hem topardan goýberiler.
- 33 ýaşyndaky Luis Suares we 31 ýaşyndaky Jordi Alba hem topardan gidip biler.
- Semedo, Grizzman, Dembele ýaly futbolçylar üçin teklip gelen halatynda satylar.
- Serhio Roberto hem bu möwsümde ugradyljak futbolçylaryň biridir.
- Ansu Fati, Riki Puç hem-de Ronald Araujo ýaly futbolçylar ikinji topardan birinji topara çykarylar.
TÄZE TALIMÇI KIM BOLAR?
Topary täze tälimçisiniň kimiň boljakdygy hem köp sanly sport neşirlerinde beýan edilýär. Bu ugurdaky dalaşgärler toparyň ozalky futbolçysy Hawi, Ronald Kuman, Maurisio Poçettinodyr.
Ronald Kumanyň Barselona şäheriniň howa menzilinde görlendigi we onuň topary bilen 2 ýyllyk şertnama baglaşjakdygy hem aýdylýar.