Türkiýe Respublikasynda woleýbol çempionatyndan soňra basketbol boýunça milli çempionaty hem ýatyryldy. Bu barada Türkiýe Basketbol federasiýasynyň ýolbaşçysy Hidaýet Türkogly habar berdi.
Şu gün Türkiýäniň Basketbol federasiýasynda bu barada ýygnak geçirildi. Şonuň netijesine görä, basketbol boýunça milli çempionaty koronawirus ýokanjy sebäpli ýatyryldy. Çempionatda çempion yglan edilmeýär. Erkekleriň hem-de zenanlaryň arasyndaky basketbol boýunça milli çempionatda galan duşuşyklar geçirilmeýär. Toparlary aşaky liga düşürmek göz öňünde tutulmaýar. Şeýle hem aşaky ligadan ýokary liga hem topar çykmaýar.