Birleşen Arap Emirliklerinde çöl şertlerinde pomidor ýetişdirmek işleri synag edilýär. Eger pomidordan göwnejaý hasyl alynsa, arap çöllüklerinde ekeranlçygylygyň beýleki görnüşleri boýunça hem synaglar dowam eder.
Howanyň maýlamagy ýa-da onuň üýtgemegi bilen bagly ýagdaýlar ekerançylygyna täsirini ýetirse-de, ynsan oglundan emel gutulanok. Ine, arap ekerançylary ulgam-ulgam çägelikde hasyl almagyň ugruna çykdylar. Bu işde olar döwrebap tehnologiýanyň mümkinçiliklerinden peýdalanarlar.
Ýurduň paýtagty Abu Dabi şäheriniň ýakynda guruljak üsti ýapyk ekerançylyk 7 müň inedördül metre çenli uzar. Şunça meýdandaky üsti ýapyk ekerançylyk meýdanyny ýurduň iri kompaniýalarynyň üçüsi bilelikde gurar. Aýdylyşyna görä, bu ýerden ýakyn ýyllarda pomidoryň bol hasylyny alyp bolar. Hasyl ilaty 1 million adama ýakynlaşýan şäher üçin öndüriler. Hünärmenler önümiň iň tebigy halda bolmagynyň hem aladasynda.