2024-nji ýylyň 27-30-njy noýabrynda Stambulda halal pudagynyň iň möhüm wakalaryndan biri – “Halal Expo” we “World Halal Summit” geçiriler. Türkiýäniň Prezidentiniň howandarlygynda geçirilýän çäre “Istanbul Expo Center” merkezinde geçiriler.
Bu halkara çärä Türkmenistanyň söwda-senagat edarasynyň başlygy Mergen Gurdowyň ýolbaşçylygyndaky wekiliýetiň hem gatnaşmagyna garaşylýar.
Halkara çäreleriň çäklerinde “B2B” görnüşinde işewürlik duşuşyklary geçirilip, Türkmenistanyň kompaniýalary dünýäniň dürli künjeginden bu sergä gatnaşmak üçin gelýän 500 töweregi kompaniýalar bilen duşuşmak mümkinçiligine eýe bolar.
Dünýäniň iň iri “halal önümleriň” çäresi hasaplanýan bu ykdysady gözden geçirmä 40000 müňe golaý myhmanyň baryp görmegine garaşylýar.
Sergä 25 döwletden wekilleri gatnaşyp, öz önümlerini hödürlärler.