Ministrler Kabinetiniň Başlygynyň orunbasary M. Mämmedowa şu ýylyň noýabr aýynda geçiriljek esasy çäreler barada hasabat berdi. Bu barada “Watan” habarlar gepleşiginde bellenilip geçildi.
Wise-premýeriň hasabatyna görä, şu ýylyň noýabryň dowamynda köp sanly medeni çäreleri geçirmek göz öňünde tutulýar.
Şolaryň hatarynda:
- 3-nji noýabrda ýurdumyzda gurluşyk we senagat toplumynyň işgärleriniň güni giňden bellenip geçiler.
- 10-njy noýabrda Hasyl toýy mynasybetli çäreleri we dabaralary geçirmek göz öňünde tutulýar.
- 13-15-nji noýabry aralygynda paýtagtymyzda «Gorkut ata» atly halkara kinofestiwaly geçiriler.
- 14-16-njy noýabry aralygynda Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel – 2024» atly halkara sergisi we ylmy maslahaty geçiriler, şeýle hem «Sanly çözgüt» atly innowasion taslamalaryň bäsleşigiň jemini jemlemek göz öňünde tutulýar.