Ýaponiýanyň Liberal-demokratik partiýasynyň ýolbaşçysy Sanae Takaiti ýurduň ilkinji zenan Premýer-ministri wezipesine saýlandy. Ýaponiýanyň parlamentiniň her iki palatasynyň wekilleriniň gatnaşmagynda ses berişlik geçirildi.
Sanae Takaiti Ýaponiýanyň 104-nji Premýer-ministri boldy. 64 ýaşyndaky Sanae Takaiti ýurduň ozalky Premýer-ministri Sindzo Abeniň ýolbaşçylygynda işledi. 2006-njy ýylda Abeniň ýolbaşçylygyndaky hökümetde Sanae Takaiti ministr wezipesine bellendi.
Sanae Takaiti Ýaponiýanyň “demir aýaly” bolmaklyga uly gyzyklanma bildirýär. Ol Beýik Britaniýanyň ozalky Premýer-ministri Margaret Tetçeriň syýasy ugruna gyzyklanýar.
Onuň esasy şygarlary “Ýaponiýany güýçli etmek”, “Ýaponiýany belent derejelere çykarmak” ýaly ýörelgelere esaslanýar.