2025-nji ýylyň 24-26-njy marty aralygynda Türkmenistanyň Söwda-senagat edarasynyň wekilleri we telekeçi agzalar Täjigistan Respublikasynyň paýtagty Duşanbe şäherinde geçirilýän “Oksyň hazynalarynyň gözbaşynda” atly Halkara zergärçilik sergisine hem-de forumyna gatnaşýarlar.
Bu halkara sergi we forum zergärçilik sungatynyň ösüşine, işewür gatnaşyklary giňeltmäge we täze hyzmatdaşlyk mümkinçiliklerini döretmäge gönükdirilendir. Türkmen wekiliýeti sergide milli zergärçilik sungatynyň özboluşly nusgalaryny, nepislik bilen ýasalan şaý-sepleri we gadymy nagyşlary bilen tapawutlanýan bezeg önümlerini tanyşdyrýarlar.
Serginiň çäklerinde türkmen telekeçileri dünýäniň dürli ýurtlaryndan gelen hünärmenler bilen duşuşyk geçirip, bilelikdäki taslamalar we eksport mümkinçilikleri barada pikir alşarlar. Bu çäre türkmen zergärçilik sungatyny halkara derejesinde tanatmak hem-de täze işewür hyzmatdaşlyklary ýola goýmak üçin möhüm ädim boldy.