Türkmenistan bilen Malaýziýa oba hojalyk tehnologiýalary, suw serişdelerini dolandyrmak, şeýle hem oba hojalygynda ylmy barlag işleri boýunça hyzmatdaşlygyny giňelder. Bu barada “Bernama” habarlar agentligi habar berýär.
Türkmenistanyň Ministrler Kabinetiniň Başlygynyň oba hojalyk pudagynda gözegçilik edýän orunbasary T. Atahallyýew Malaýziýanyň Oba hojalyk we azyk howpsuzlygy ministrliginiň ýolbaşçylaryndan Datuk Artur Josep Kurup bilen duşuşdy.
“Şu gün Türkmenistan bilen Malaýziýanyň arasynda oba hojalyk pudagynda ilkinji duşuşyk geçirildi. Taraplar öz döwletleriniňoba hojalyk pudagyndaky mümkinçilikleri barada maglumat berdiler. Şeýle hem taraplar oba hojalyk pudagyndaky ikitaraplaýyn hyzmatdaşlygy ara alyp maslahatlaşdy” – diýip, metbugat beýanatda bellenilýär.
Malaýziýa tarapy öz ýurdunda dürli görnüşli ýokary hilli tropiki miweleriň bardygyny belläp, Türkmenistanyň wekiliýetini Malaýziýanyň tropiki miwelerini türkmen bazaryna ýerlemek teklibi öňe sürdi.