Amerikanyň köpçülikleýin habar beriş serişdeleriniň maglumatlaryna görä, Demokratik partiýanyň wekili Jeýms Talariko saýlaw bäsleşiginde respublikan Ken Pakstondan öňe geçdi.
Amerikanyň köpçülikleýin habar beriş serişdeleriniň çaklamalaryna görä, ABŞ-nyň Demokratik partiýasy 1988-nji ýyldan bäri ilkinji gezek Tehas ştatyndan senatorlyk ornuny eýelemegi başardy.
ABŞ-nyň Kongresiniň Senatynda Tehas ştatyna wekilçilik etjek täze agza saýlaw bäsleşiginde respublikan Ken Pakstondan üstün çykan demokrat Jeýms Talariko bolar.
Bu ýagdaý aýratyn üns çekýär, sebäbi ABŞ-nyň Prezidenti, respublikan Donald Tramp we häkimiýet başyndaky partiýanyň beýleki wekilleri Tehas ştatynyň saýlawçylarynyň arasynda Pakstony goldamak we Talarikonyň garşysyna ses bermek üçin işjeň wagyz-nesihat işlerini alyp bardylar.
1988-nji ýyldan bäri Tehas ştatyndan ABŞ-nyň Kongresiniň Senatyna Demokratik partiýanyň wekilleri saýlanmandy.
ABŞ-da aralyk saýlawlar geçirilýär. Bu saýlawlarda, ilkinji nobatda, Senatyň agzalarynyň üçden biri, Kongresiň Wekiller palatasynyň ähli agzalary, şeýle hem 36 ştatyň we territoriýanyň gubernatorlary saýlanýar. Mundan başga-da, ýerli öz-özüňi dolandyryş edaralaryna saýlawlar geçirilýär.
Häzirki wagtda ABŞ-nyň Kongresiniň iki palatasy hem häkimiýet başyndaky Respublikan partiýanyň gözegçiliginde.
Saýlawlaryň netijeleri boýunça düzüljek Kongresiň nobatdaky, 120-nji çagyrylyşy 2027-nji ýylyň 3-nji ýanwarynda öz işine başlar.