2025-nji ýylyň 19-njy ýanwarynda Eýran Yslam Respublikasynyň Kiş adasynyň halkara sergiler merkezinde “Kiş Expo 2025” atly halkara sergisi öz işine başlady. Sergi 19-24-nji ýanwary aralygynda dowam edýär.
Türkmenistanyň Söwda-senagat edarasy we onuň düzümindäki agza telekeçiler “Kiş Expo 2025” halkara segisine gatnaşýarlar. Bu sergi Türkmenistana öz eksport kuwwatyny giňeltmäge, daşary ýurt maýa goýumlaryny çekmäge hem-de iki ýurduň arasyndaky ykdysady gatnaşyklary pugtalandyrmaga uly mümkinçilik döreder.