Öňümizdäki NBA möwsüminde koronawirusy yzarlamak üçin tehnologiýa goldaw berler. NBA oýunlarynda oýunçylaryň koronawirus alamatlary akylly halka bilen yzarlanar. Koronawirus pandemiýasy sebäpli togtadylan Milli basketbol birleşigi (NBA) möwsümi iýul aýynda gaýtadan başlar.
“Engajet” internet neşiriniň habarlara görä, NBA ýolbaşçylary koronawirusynyň alamatlaryny yzarlamak üçin “Oura” akylly halkalaryny ulanarlar. Şol bir habara görä, NBA oýunçylarynyň akylly halkalary ulanmagy hökmany bolar. Bütin dünýäde takmynan 150 müň adam “Oura Rings” tarapyndan döredilen akylly ýüzügi ulanýar. Pandemiýa üçin ýörite ýasalan akylly halka, bir gezek berlen zarýad güýji bilen ýedi gün işleýär. Bu akylly enjam, iOS we Android ulgamlary bilen hem gabat gelýär.