Futbol dünýäsinde iň köp kubok gazanan futbolçylaryň biri bolan Argentinanyň ýyldyzy Lionel Messi 43-nji kubogyny gazandy. Ol Fransiýanyň “PSŽ” topary bilen çempion boldy. 35 ýaşyndaky futbolçy mundan ozal fransuz toparynyň düzüminde ýurduň Naýbaşy kubogyny hem gazanypdy.
Messi futbol karýerasynda 10 gezek Ispaniýanyň çempiony boldy. ol 4 gezek Çempionlar ligasynyň kubogyny, 8 gezek Ispaniýanyň Superkubogyny, 7 gezek Ispaniýanyň kubogyny, şeýle hem 3 gezek klublar dünýä çempionatynyň kubogyny we Ýewropanyň Superkubogyny gazandy.
Leo Argentinanyň ýygyndysy bilen Amerikanyň kubogyny, Olimpiadanyň ýeňijisi, Finalissima ýaryşynyň ýeňijisi we dünýä çempionatynyň kubogyny eýeledi.